Երկարատև հիւանդութիւնից յետոյ Լոս Անջելեսում օգոստոսի 20-ին վախճանւել է ականաւոր գիտնական, ակադեմիկոս Սերգէյ Մերգելեանը:

ՀՀ Գիտութիւնների ազգային ակադեմիան եւ Գիտութեան պետական կոմիտէն իրենց վշտակցութիւնն են յայտնել անւանի գիտնականի մահւան կապակցութեամբ` նրա մահը համարելով անդառնալի կորուստ ողջ հայ ժողովրդի եւ առաջին հերթին Հայաստանի գիտական հանրութեան եւ մտաւորականութեան համար:

Օգոստոսի 22-ին Պեկինի օլիմպիական խաղերի բռնցքամարտի մրցաշարի կիսաեզրափակիչում հայաստանցի Հրաչիկ Ջավախյեանը (60 կգ) պարտւեց ռուսաստանցի օլիմպիական չեմպիոն Ալեքսէյ Տիշչենկոյից եւ բաւարարւեց բրոնզէ մեդալով:

ՀՀ ԱԳ նախարարությունում տեղի է ունեցել Հայաստան-Սփիւռք գործակցութեան զարգացման վերաբերեալ քննարկում, որին մասնակցել են համահայկական կազմակերպութիւնների հայաստանեան ներկայացուցիչներ: ԱԳՆ մամուլի և տեղեկատւութեան վարչութեան հաղորդմամբ, քննարկման ընթացքում կարևորւել են Հայաստան-Սփիւռք գործակցութեան առանցքային խնդիրներում հայոց պետութեան ջանքերն` ուղղւած հայապահպանութեանը և լեզւամշակութային ինքնութեան կորստի կանխմանը, Հայաստանի Հանրապետութեան և Լեռնային Ղարաբաղի Հանրապետուեյան համար կենսական նշանակութիւն ունեցող խնդիրների լուծման գործում Սփիւռքի համակարգւած մասնակցութեան ապահովմանը:

1892 Նոր Նախիջևանում մահացավւ հայ նշանաւոր բանաստեղծ Ռաֆայէլ Պատկանեանը: (Ծն. 1830թ.-ին):
1894 Կարսի մարզի Հաջիքենդ գիւղում ծնւեց նաւատորմի ծովակալ Իւան Ստեփանի Իսակովը: (Վախճ. 1967թ.-ին):
1939 Ֆաշիստական զօրքերի Լեհաստան ներխուժելու նախօրեակին Ա. Հիտլերը յայտարարեց. «Ո՞վ է ի վերջոյ, այսօր խօսում հայերի ոչնչացման մասին»:
1993 Հակայարձակման անցած ԼՂՀ Պաշտպանական բանակի հարւածների տակ ադրբեջանական ջախջախւած զօրքերը թողեցին Ֆիզուլի քաղաքը:

Իւրաքանչիւր հայ, ով ստանում է Հայ Առաքելական եկեղեցու մկրտութիւն, իր վրայ կրում է նաև միւռոնի դրոշմը։ Թերեւս, սա այն առաջին նիւթական հաղորդակցութիւնն է, որ ունենում ես հայոց միւռոնի հետ։
Իւնարէնից թարգմանաբար միւռոն նշանակում է անուշաբոյր իւղ, որի նախատիպն է Հին Կտակարանի սուրբ օծութեան իւղը։ Ըստ ավանդութեան, սրբազան իւղը առաջին անգամ Հայաստան է բերել Թադէոս առաքեալը։ Մէկ այլ աւանդութեան համաձայն, միւռոնի առաջին օրհնութիւնը կատարել է հայոց առաջին կաթողիկոսը` Ս. Գրիգոր Լուսաւորիչը։ Ամէն անգամ, երբ Հայ եկեղեցում օրհնւում է նոր միւռոն, նրան է խառնւում նաեւ հինը` նոր միւռոնին հաղորդելով Լուսաւորչից փոխանցւած սրբազան շնորհը։

Հայաստանի ֆուտբոլի երիտասարդական հաւաքականը օգոստոսի 20-ին Երևանի «Հրազդան» մարզադաշտում 2009թ. Եւրոպայի երիտասարդական առաջնութեան երկրորդ ընտրական խմբի շրջանակներում 2:1 հաշւով յաղթանակ տարաւ Թուրքիայի նկատմամբ։ Հայ ֆուտբոլիստները երկու գնդակ ուղարկեցին հակառակորդի դարպաս վերջին երեք րոպէների ընթացքում։

1421 Բագրևանդի մօտ տեղի ունեցած ճակատամարտում Կարա-կոյունլուները պարտութիւն են կրում:
1899 Կարնոյում կախաղան բարձրացւեց Արամ Արամեանը:
1903 Խրիմեան Հայրիկը կոնդակ ուղարկեց բոլոր թեմերին՝ եկեղեցու ունեցւածքը քաղաքացիական իշխանութիւններին չյանձնելու կարգադրութեամբ:
1998 38-րդ անգամ Հայաստան այցելած Մեծ Բրիտանիայի խորհրդարանի Լորդերի Պալատի փոխխօսնակ Բարոնուհի Քարոլայն Քոքսը Երևանում կայացած մամլոյ ասուլիսի ընթացքում յայտարարեց, որ իր կողմից Մեծ Բրիտանիայի կառավարութեան առջև բարձրացւել է հայերի ցեղասպանութեան հարցը:

Սիրելի ընթերցող,

Շուրջ մէկ ամիս է , որ ամէն օր Ձեզ հետ է «Փարոս» ինտերնետային կայքէջը: Մէկամսեայ փորձից յետոյ մեզ անհրաժեշտ էր գնահատման ենթարկել մեր կատարած աշխատանքը և օգտւելով ձեռք բերած փորձառութիւնից յստակեցնել մեր աշխատանքային հետագայ ուղին:

Հետևաբար շուրջ 15-օրեայ դադարից յետոյ կրկին Ձեզ հետ կը լինենք օգոստոսի 18-ին:

«Փարոս» կայքէջի խմբագիր

Ռոբերտ Մարգարեան  

1809 Կալկաթայում վախճանւեց հայ ազատագրական շարժման աչքի ընկնող ղեկավարներից` Յովսէփ Էմինը: (Ծնւ. 1726թ.-ին, Պարսկաստանի Համադան քաղաքում):
1862 Զէյթունի հերոսական ապստամբութիւնը:
1873 Մոսկւայում վախճանւեց բանասէր Մսեր Մսերեանցը: (Ծնւ. 1808թ.-ին):

Ըստ «Արմէն Պրէս» լրատու գործակալութեան կատարած հաղորդման, ԱՄՆ-ի պետքարտուղարի օգնականի տեղակալ, ԵԱՀԿ Մինսկի խմբի համանախագահ Մէթիւ Բրայզան յայտարարել Է, թէ ղարաբաղցիներն իրենք կը որոշեն՝ հանրապետութիւնն անցնելու Է Ադրբեշէջանի իրաւասութեան ներքոյ, թէ անկախութիւն Է ստանալու:

«ԱՄՆ և Իրան հակամարտութեան մէջ Հայաստանին ներգրաւելու վերաբերեալ հեռահար ծրագրեր կան»,- լրագրողների հետ հանդիպման ժամանակ նման տեսակէտ է յայտնել Հայաստանի առաջադիմական կուսակցութեան նախագահ Տիգրան Ուրիխանեանը` աւելացնելով, որ հայկական ընդդիմութիւնն այսօր ուղղորդւում է տնտեսական, ռազմական շահեր ունեցող այն գեր տէրութեան կողմից, ով ուզում է պատերազմ սկսել Իրանի հետ: Սա Ուրիխանեանը մեծ մտահոգութիւն է համարում Հայաստանի համար:

Նրա խօսքով, ընդդիմութեան գործողութիւնները գնալով աւելի համահունչ են դառնում այդ գեր տէրութեան շահերի հետ, որը Հայաստանն իր համար պատկերացնում է որպէս անցումային հարթակ տարածաշրջանում վտանգաւոր գործողութիւններ իրականացնելու համար: Ըստ Տ. Ուրիխանեանի, ընդդիմութիւնն օգտագործւում է գեր տէրութեան կողմից, այդ նպատակին հասնելու համար:

Ադրբէջանի ԱԳՆ ղեկավար Էլմար Մամեդեարովը չի բացառում, որ Ադրբէջանի եւ Հայաստանի նախագահներ Իլհամ Ալիեւի եւ Սերժ Սարգսեանի հանդիպումը կարող է կայանալ մինչեւ նախագահական ընտրութիւնները Ադրբէջանում` ծրագրւած սոյն թւականի հոկտեմբերի 15-ին: «Երկու երկրների նախագահների հանդիպումը կախւած է ԱԳՆ ղեկավարների հանդիպումից: Եթէ մենք զգանք, որ մենք ընդհանուր հիմք ենք գտել, ապա որեւէ անհնարին բան չկայ»,- ասել է Ադրբէջանի ԱԳՆ ղեկավարը իր հայ գործընկեր Էդւարդ Նալբանդեանի հետ հանդիպումից յետոյ: Ադրբէջանցի նախարարի խօսքերով, այսօրւայ հանդիպումը Մոսկւայում եղել է կառուցողական եւ օգտակար էր: «Բանակցութիւնները օգտակար էին: Մենք բացատրւեցինք իմ գործընկերոջ հետ մի շարք հարցերով, որոնք շարունակում են խնդիրներ ստեղծել»,- ասել է նախարարը

Մօտակայ ժամանակներս Իրան-Հայաստան երկաթուղու շինարարութեան աշխատանքները համակարգելու նպատակով աշխատանքային խումբ կը ստեղծւի: Այս մասին լրագրողների հետ հանդիպման ժամանակ յայտնել է Հայաստանի կապի և տրանսպորտի նախարար Գուրգէն Սարգսեանը: Նրա խօսքով, հաշւի առնելով այն փաստը, որ նախագիծը վերաբերում է տարբեր կազմակերպութիւնների ու գերատեսչութիւնները շահերը, ծրագրւում է ներկայացուցչական աշխատանքային խումբ ստեղծել, որը կը կանոնակարգի շինարարական աշխատանքները: Գ. Սարգսեանը տեղեկացրեց, որ ներկայումս քննարկւում է երեք նախագիծ, որոնցից կընտրւի լաւագոյնը: Նախագծերը տարբերւում են ուղղութիւններով:

Պուլիտցերի մրցանակի դափնեկիր, The New Yorker-ի լրագրող Սէյմուր Հերշը պատմել է, որ վերջերս ամերիկեան վարչակազմի պաշտօնեաները հաւաքւել են փոխնախագահ Դիկ Չէյնիի նստավայրում քննարկելու համար Իրանի դէմ հնարավոր զինւած հակամարտութեան օրինականացման հնարաւորութիւնը: Հերշի աղբիւրը վարչակազմում հաղորդում է.«Քննարկման առարկայ էր casus belli-ի ստեղծումը Իրանի եւ ԱՄՆ-ի միջեւ պատերազմի համար»: Հերշը կարծում է, որ Հորմոզի նեղուցում վերջերս տեղի ունեցած միջադէպից յետոյ, երբ իրանական մոտորանաւակները քիչ էր մնացել կրակ բացէին ԱՄՆ-ի նաւերի ուղղութեամբ, վարչակազմը հասկացաւ, որ ամերիկեան հանրութիւնը կը սատարի Իրանի դէմ զինւած ուժերի գործողութիւններին, այն դէպքում, եթէ դա բաւականաչափ ծանրակշիռ արդարացում ունենայ

1680 Մահացաւ Յակոբ Դ. Ջուղայեցի կաթողիկոսը, որ Իսրաէյլ Օրիի հետ մեկնեց Եւրոպա Հայոց ազատագրութեան համար օգնութիւն հայցելու քրիստոնեայ աշխարհին:
1766 Սիմէոն Երևանցի կաթողիկոսը կոնդակ է ուղարկում Եկատերինա II-ին` հայ ժողովրդին օգնելու խնդրանքով:
1812 Կ. Պոլսում հրատարակւեց «Դիտակ Բիւզանդեան» ամսաթերթը մինչև 1816 թ.-ի սեպտեմբեր:
1817 Թէոդոսիայում ծնւեց աշխարհահռչակ ծովանկարիչ Յովհաննէս Այւազովսկին:(Վախճ. 1900թ.-ին):
1862 Կ. Պոլսում տեղի է ունենում հայ աշխատաւորութեան ցոյցը, որի մասնակիցները սուլթանից պահանջում էին վաւերացնել Ազգային սահմանադրութիւնը:
1894 Սասունի հերոսական ինքնապաշտպանութիւնը:
1896 Թուրքական կառավարութիւնը 500 քուրդ բերեց Կ. Պոլիս  հայկական ցեղասպանութեան իրագործմանը օգնելու համար:
1903 Ծնւեց հայ գրող Գուրգէն Մահարին: (Վախճ. 1969թ.-ին):
1905 Նիկոլայ II-ը չեղեալ յայտարարեց 1903 թ. յունիսի 12-ի օրէնքը: Վերաբացւեցին հայկական եկեղեցական ծխական դպրոցները:
1914 Առաջին համաշխարհային պատերազմի հետևանքով համաձայնագրի կէտերը չիրականացան և արևմտահայութիւնը կանգնեց օրհասական վտանգի առաջ: